<?xml version="1.0" encoding="UTF-8"?><song><hymn_number>7109</hymn_number>
<lyrics>[V1]
 القرار- حي هو الرب إلهي اللي أنا واقف قدامه
 حي سيدي الملك اللي أنا عايش خدامه
 1- لا أنا خايف من شيء إن كان ولا من مخلوق مهما إن كان
 ولا محتاج شيء من إنسان ده مكفيني سلامه
 2- أنا عاكف على المكتوب ضد التيار المقلوب
 أشهد ليسوع المحبوب وأتشارك في آلامه
 3- أنا شايف آخر المشوار جاي الفجر وجاي النهار
 ولحد الشر ما ينهار أنا هارفع أعلامه
 4- أنا عارف إيماني بمين ده القادر يحفظني أمين
 جاي وهاشوفه بكل يقين زي ما وعد في كلامه
 5- أنا واقف مستني وعود تتحقق والمجد يعود
 ونقف كده صفين بالعود ونعلي في أنغامه</lyrics>
<title>حي هو الرب إلهي</title>
<author>ماهر فايز, ماهر فايز</author>
</song>